Ni aktuale redaktas tiun paĝon.

Skoltoj, kio estas?

Skoltismo estas grandega junulara movado, komencita en Britio en la jaro 1907. La vorto “skolto” venas el la angla vorto “scout” kiu signifas “esploristo”. La movado nun havas pli ol 25 milionoj da infanoj kaj junuloj kiel membroj, kaj plenkreskuloj kiel apogantoj de la junularaj agadoj. (el vikipedio)

Skoltismo estas eduka movado. Ĝi celas la personan kreskadon de la infanoj kaj junuloj en ĉiuj personaj kampoj (korpa, intelekta, senta, socia kaj spirituala) kaj kiel respondeca civitano loke, kaj tutmonde

La skolta metodo estas bazita sur kelkaj grandaj principoj. Konkreta, ne-formala, kun la junuloj, mem-edukado kun la aliaj… Post pli ol jarcento ĝi daŭre estas aktuala kaj originala. La skoltoj edukiĝas je ĉiuj facetoj: korpa, mensa, socia, spirituala…

Tiuvoje ni provas plibonigi la mondon edukante la sekvontan generacion. Kiel Baden-Powell, la fondinto de la Skoltoj skribis en sia lasta letero al la skoltoj: “Provu forlasi tiun mondon iomete pli bona ol vi trovis ĝin”.

Try and leave this world a little better than you found it, and when your turn comes to die you can die happy in feeling that at any rate you have not wasted your time but have done your best.

Baden-Powell

Skoltoj estas tre diversaj tutmonde: eŭropanoj lignokonstruas, Mongoloj rajdas en la stepo, mar-skoltojn velŝipas… Simile Verdaj Skoltoj estas iel specifaj.

Verdaj Skoltoj

Ekde 2012, nia asocio Verdaj Skoltoj proponas skoltismon en Esperanto. Ni organizas interkulturan skoltismon kun Esperanto kiel ponto-lingvo.

Niaj membroj venas el malsamaj landoj kaj regionoj, parolas malsamajn gepatrajn lingvojn, kaj havas malsamajn kulturojn. Kelkaj venas el Esperanto-familioj, aliaj fulmrapide lernas Esperanton, nian komunan lingovn.

Nia skoltismo estas ne-relegia, ambaŭseksa, kaj miksas tradiciojn (la skoltoj vere devas memzorgi kaj iom post iom memorganizi ĉion) kaj modernaĵojn. Ĉiuj estas bonvenaj! Ĉar ĉiuj decidas kion ni faras.

Tri grupoj

Bezonoj kaj kapabloj malsamas laŭ la aĝo. Pro tio ni havas tri grupojn:

8-11 jaruloj, la Lupidoj

Kun siaj estroj, la lupidoj ludas, amuziĝas, aŭskultas, lernas Esperanton… kaj multon lernas de siaj estroj!

12-16 jaruloj, la Esploristoj

Kun helpo de siaj estroj aŭ sendepende, la esploristoj ludas, amuziĝas, lernas, memelturniĝas, lernas pri komunikado… kaj multon lernas unu de la alia!

Pli ol 16 jarulo, elektas! 

Ĉu jam iĝi estro? Ĉu partopreni kiel kuiristo aŭ teknika helpanto? Al 17 jaruloj kaj pli ni ankaŭ proponas iĝi:

Roveroj

Roveroj provas rekte plibonigi la mondon. Kolekti monon por iri konstrui lernejon en afrika lando? Organizi familian kaj ekologian muzikfestivalon? Kuiri por la verdaj skoltoj dum tendumado? Organizi purigadon de rivereto? Fosi lageton ĉe Lupo? Kune partopreni IJKn kaj helpi senĉese dum tuta semajno?

Jen la roveroj: ne gvidataj de skoltestroj, ili memstare decidas kiel ili daŭrigas la aplikon kaj travivadon de siaj skoltaj spertoj kaj valoroj. Ĉar ni estas la sola grupo da esperanto-parolantaj skoltoj, niaj roveroj pli specife provas helpi Esperanto-movadon: renovigi la salonojn de la klubo de Antverpeno, organizi kongreson en Belgio, instrui Esperanton dum lingva festivalo por infanoj, helpegi dum Esperanto-renkontiĝo…. Kaj en 2024 pluraj el niaj roveroj kuniĝis en plej granda projekto ĝis nun: organizado de la Junulara E-Semajno (JES24-25)!

Ja, ne estas aĝlimo por esti Rovero kaj subteni Esperanto-movado!